Աջակցելը
հեշտ է

IMAST-ը բարեգործությունը թվայնացնող առաջին բարեգործական հավելվածն է Հայաստանում։ Այն հարուստ գործիքակազմով ֆոնդհայթայթման հարթակ է Հայաստանում գործող բարեգործական կազմակերպությունների համար: IMAST-ը նրանց հնարավորություն է տալիս կազմակերպել դրամահավաքներ և գտնել նոր դոնորներ աշխարհի յուրաքանչյուր կետից

Այո, IMAST-ը որևէ շահույթ չի հետապնդում։ IMAST-ը հավատարիմ է իր առաքելությանը՝ ուստի հավելվածի շահագործումից եկամուտ չի գեներացվում, որի շնորհիվ յուրաքանչյուր նվիրատվություն ծառայում է իր նպատակին։

IMAST-ը ստեղծվել է միավորելու բոլոր վստահելի կազմակերպություններն ու ազդեցիկ նախագծերը մեկ վայրում, որի արդյունքում նվիրատուները կարող են վստահորեն աջակցել իրենց նախընտրած նախագծին ու հիմնադրամին ընդհամենը 3 քլիքով։ Մեր տեսլականում 100,000 պարբերական նվիրաբերողների շնորհիվ մենք կարող ենք պարբերական աջակցություն տրամադրել Հայաստանին։ Այդ իսկ պատճառով կարևոր է, որ դու դառնաս պարբերական նվիրաբերող

Մեր առաքելությունն է միավորել աշխարհասփյուռ հայությանը իմաստալից փոփոխություններին զարկ տալու համար

IMAST-ը հասանելի է ամբողջ աշխարհում

Որպես ոչ առևտրային կազմակերպություն, մենք գործընկեր կազմակերպություններից և ձեր կատարած նվիրատվություններից չենք գանձում միջնորդավճարներ գործունեություն ծավալելու համար։ Ցանկության դեպքում կարող եք թողնել թեյավճարներ, որոնք կուղղվեն IMAST թիմի աշխատանքներին և հարթակի զարգացմանը։

Հանգանակված գումարը փոխանցվում է կազմակերպությունների պաշտոնական հաշվեհամարին: Թափանցիկությունն ապահովելու համար, յուրաքանչյուր նախագծի համար տրամադրվում է բյուջեի բաշվման փաստաթուղթ, որը ներառում է Stripe փոխանցման համակարգի միջնորդավճարներն ու նախագծի գովազդային բյուջեն, ինչը նշանակում է, որ նվիրատվություն կատարելուց առաջ դուք կարող եք հստակ իմանալ, թե ձեր նվիրատվությունն ինչին է ծառայելու։

IMAST-ի միջոցով դու կարող ես աջակցել մի քանի եղանակով․

1. Դարձիր պարբերական նվիրաբերող «Զարկ» բաժանորդագրությամբ, կամ
2. Ցուցաբերիր մեկանգամյա աջակցություն քո նախընտրած նախագծին
3. IMAST-ն առաջարկում է նաև համագործակցային փաթեթներ. դարձիր աջակից-ընկեր, կորպորատիվ գործընկեր կամ դեսպան

Մենք համագործակցում ենք անկախ և պրոֆեսիոնալ աուդիտորների հետ, որոնք շահույթ չհետապնդող կազմակերպություններին տալիս են հեղինակության ու վստահելիության գործակից։ Աուդիտորներն ուսումնասիրում են կազմակերպությունների իրավական կարգավիճակը, զեկույցները, տարեկան հաշվետվությունները և սոցիալական հաշիվները՝ բացառելու խաբեության կամ խարդախության հավանականությունը։ Ավելին իմանալու համար կարդա՝ այստեղ.

Դրամահավաքը հաջողությամբ ավարտելուց հետո կազմակերպությունները ներկայացնում են ֆինանսական հաշվետվություններ և նորություններ։ Դրանք հասանելի են բոլորին՝ յուրաքանչյուր նախագծի «Փաստաթղթեր» և «Նորություններ» բաժիններում, իսկ նվիրաբերողները պարբերաբար տեղեկանում են նախագծի առաջընթացի մասին՝ էլ․ հաղորդագրությունների և ծանուցումների միջոցով

Նվիրաբերիր նախագծին․

1. Ներբեռնիր հավելվածն ու գրանցվիր
2. Ընտրիր նախագիծ, որին ցանկանում ես աջակցել և սեղմիր «Նվիրաբերել» կոճակը
3. Մուտքագիրի նվիրաբերվող գումարի չափը և սեղմիր «Ուղարկել»

Նվիրաբերիր կազմակերպությանը․

1. Բացիր «Ֆոնդեր» պատուհանը
2. Ընտրիր նախընտրածդ կազմակերպությունը
3. Սեղմիր «Բաժանորդագրվել հիմնադրամին» կոճակը
4. Մուտքագիրի նվիրաբերվող գումարի չափն ու հաճախականությունը և սեղմիր «Բաժանորդագրվել»

Նվիրատվություններ կատարելը հասանելի է ցանկացած վճարային քարտի միջոցով՝ անկախ արժույթից

Նվազագույնը $10-ին և առավելագույնը $100.000-ին համարժեք գումար ցանկացած փոխարժեքով