Կյանքի ճանապարհ

Մեր մասին

«ԿՅԱՆՔԻ ՃԱՆԱՊԱՐՀ» բարեգործական հիմնադրամը միակ հիմնադրամն է Հայաստանում, որը զբաղվում է էպիլեպսիա և այլ բարդ նյարդային հիվանդություններ ունեցող երեխաների առողջական խնդիրներով։

Օժանդակում է նրանց դեղորայքային բուժման, հետազոտությունների անցկացման (ՄՌՏ, ԷԷԳ, ՊԷՏ-ԿՏ, գենետիկ հետազոտություններ), վիրահատությունների իրականացման հարցում։

Ցավոք սրտի, այս հիվանդությամբ տառապող երեխաների թիվը շատ մեծ է։

Այս պահին միայն «Արաբկիր» բժշկական համալիրում հաշվառված է շուրջ 4000 հիվանդ երեխա, որոնց մեծ մասն ապրում է սոցիալական ծանր պայմաններում՝ ֆինանսական և բարոյական օգնությունից զուրկ։  Հետազոտություններն ու բուժումը բավականին թանկ արժեն, ինչը շատ ընտանիքների համար անհասանելի երազանք է։ 60-65% երեխաներ ապրում են իրենց մայրիկների հետ միասին, ովքեր միայնակ են զբաղվում երեխաների խնամքով և չեն աշխատում։

Հիմնադրամի առաքելությունն է յուրաքանչյուր երեխայի, ըստ անհրաժեշտության և հնարավորության, ապահովել համապատասխան բժշկական հետազոտություններով և բուժմամբ։

Հիմնադրամի շահառուներն են էպիլեպսիայով և այլ բարդ նյարդային հիվանդություններով հիվանդ երեխաները, ովքեր ուզում են ապրել, պայքարել, հաղթել հիվանդությանը և ժպտալ աշխարհին։ Նրանք պետք է ապրեն լիարժեք կյանքով, ինչպես իրենց հասակակիցները։

Էպիլեպսիան բուժվող հիվանդություն է, այդ թվում արմատական, իսկ ժամանակակից դեղամիջոցների շնորհիվ այն հնարավոր է հսկողության տակ պահել։

«ԿՅԱՆՔԻ ՃԱՆԱՊԱՐՀ» բարեգործական հիմնադրամը ստեղծել է Ելենա Բաղդասարյանը, ում որդին ունեցել է էպիլեպսիա և հաղթահարել այն։