Հայաստանի երեխաների առողջության հիմնադրամ

Հայաստանի երեխաների առողջության հիմնադրամը (HFC Armenia) աջակցում է առողջական ծանր խնդիրներ ունեցող երեխաներին՝ օգնելով նրանց ստանալ անհրաժեշտ բուժում, դեղորայք և բժշկական աջակցություն։

Բժշկական

հանգանակված: $884,462
նախագիծ: 139
Անցել է իրավական և ֆինանսական ստուգում: Ստուգված է IMAST-ի կողմից

Հիմնադրամի մասին

Մեր մասին

Հայաստանի երեխաների առողջության հիմնադրամը (HFC Armenia) երկրի ամենախոշոր և վստահելի բարեգործական կազմակերպություններից մեկն է, որը գործում է հանրային նվիրատվությունների շնորհիվ: Հիմնադրամը ստեղծվել է 2021 թվականին Արմեն Մարտիրոսյանի կողմից և տրամադրում է համապարփակ աջակցություն մանկական ծանր հիվանդությունների կանխարգելման, վաղ հայտնաբերման և բարձրորակ բուժման ուղղությամբ` միաժամանակ խթանելով առողջապահական համակարգի և փոխօգնության մշակույթի զարգացումը:

Հիմնադրման օրվանից ի վեր 100,000 ավել նվիրատվությունների շնորհիվ Հիմնադրամը հավաքագրել է ավելի քան 6 միլիոն դոլար և օգնել 4,000-ից ավելի երեխաների ստանալ անհրաժեշտ բժշկական օգնություն:

Մեր առաքելությունը

Հիմնադրամի առաքելությունն է ստեղծել մի ապագա, որտեղ Հայաստանի յուրաքանչյուր երեխա կլինի առողջ և կունենա որակյալ բժշկական օգնության լիարժեք հասանելիություն՝ անկախ ընտանիքի ֆինանսական վիճակից:

Մեր ծրագրերը

Հիմնադրամն իր գործունեությունն իրականացնում է հետևյալ հիմնական ռազմավարական ուղղություններով՝

Կյանք փրկող միջամտություններ
Դեղամիջոցների հասանելիության ապահովում
Բժշկական սարքավորումների տրամադրում
Կարողությունների զարգացում և մասնագիտական վերապատրաստում
Հետազոտություններ և ենթակառուցվածքների բարելավում

Աջակցության շրջանակ

Հիմնադրամը տրամադրում է անհատական աջակցություն և իրականացնում տարբեր համակարգային նախագծեր, որոնք ներառում են հետևյալ հիվանդությունները.

ա/ մանկական քաղցկեղ կամ արյան խնդիրներ (բոլոր այն դեպքերում, երբ երեխայի բուժումը պետք է իրականացնել արտերկրում)
բ/ երիկամի կամ լյարդի փոխպատվաստման կարիք
գ/ քրոնիկ շնչառական խնդիրներ
դ/ իմունային համակարգի խանգարումներ
ե/ նյարդաբանական ծանր խնդիրներ՝ էնցեֆալիտներ (աուտոիմուն)
զ/ վիսցերալ լեշմանյոզ
է/ ապլաստիկ սակավարյունություն
ը/ իմուն թրոմբոցիտոպենիա (ITP)
թ/ կյանքին վտանգ սպառնացող այլ հիվանդություններ

Նվիրաբերե՛ք Հայաստանի երեխաների առողջության հիմնադրամին՝ առողջական ծանր խնդիրներ ունեցող երեխաների բարձրորակ բուժումն ապահովելու նպատակով: