«Վահե Մելիքսեթյան» հիմնադրամ

Մեր մասին

«Վահե Մելիքսեթյան» հիմնադրամը ստեղծվել է 2021 թվականին՝ արցախյան երկրորդ պատերազմում զոհված Վահե Մելիքսաթյանի հիշատակը վառ պահելու նպատակով։ Նա եղել է ականավոր կլինիկական դեղագետ, գիտնական, ԵՊԲՀ կլինիկական ֆարմակոլոգիայի ամբիոնի դասախոս, և հայրենասեր քաղաքացի: Հիմնադրամը նպատակ ունի իր մասնագիտական գաղափարներն ու նպատակներն իրականություն դարձնել Հայաստանում։

Մեր առաքելությունն ու տեսլականը

Մեր առաքելությունն է զարգացնել դեղագիտությունը, հատկապես կլինիկական դեղագիտությունը Հայաստանի Հանրապետությունում։

Մեր տեսլականում կլինիկական դեղագիտությունը Հայաստանի առողջապահական համակարգի անբաժանելի մաս է, իսկ կլինիկական դեղագետները՝ հիվանդների բարեկեցության նախադրյալներ ստեղծողներն են:
Մենք նաև ունենք հստակ պատկերացում, ըստ որի առողջապահական և պետական ապառատի համագործակցության արդյունքում կարող ենք օրենսդրական փոփոխություններ կատարել, որոնք կխթանեն կլինիկական դեղագետների ինտեգրմանը հիվանդանոցներում և առողջապահական այլ հաստատություններում:
Նաև վստահ ենք որ կլինիկական դեղագետների համար շարունակական կրթական դասընթացները կդառնան հավաստագրված ոչ դիպլոմային դասընթացներ, որոնք առաջարկվում են մրցութային հիմունքներով:

Մեր նախագծերը

«Վահե Մելիքսեթյան» հիմնադրամում ծրագրերը ուղղված են Հայաստանի առողջապահական համակարգում հիմնարար փոփոխություններ կատարելուն՝ կլինիկական դեղագետների դերը ինստիտուցիոնալ մակարդակի հասցնելով։

Մենք նաև առաջարկում ենք.

• Դասընթացներ ապագա կլինիկական դեղագետների, ինչպես նաև բժիշկների և բուժքույրերի համար
• Կրթաթոշակներ այն ուսանողներին, որոնք իրենց պատկերացնում են կլինիկական դեղագիտության ոլորտում
• Ամենամսյա խրախուսական կրթաթոշակներ՝ Վանաձորի, Վահե Մելիքսեթյանի անվան թիվ 28 դպրոցում սովորող լավագույն աշակերտների համար